Sucos: blog de Dores Tembrás

Javier Martín. Ver a súa peza “Antioedipus aut homúnculus” (que estará estes días en Madrid) e fascinarme co seu traballo foi todo un. Por iso o encontro. Coa luz da mañá, a conversa no seu estudio na cidade Vella da Coruña, onde imparte monográficos e intensivos. E un extraviarnos entre palabras e propostas artísticas. Eu quería falar dos fíos que se tenden entre o quefacer poético e o traballo co corpo.
Iluminadora, verdade. Velaiquí as palabras.

(Baixar arquivo MP3)

Imprescindíbel coñecer e desfrutar do seu traballo.

El ansia
El estado crudo
Rizoma
Cuerpo sin órganos

As conversas con Xavier Seoane son sempre así, intensas, cheas de referencias multidisciplinares, abraiantes. Por iso era inevitábel propoñerlle gravar unha delas, fixala no tempo e no espazo. Velaiquí está.

(Baixar arquivo MP3)

Falaba hai algún tempo da conversa, do pracer da conversa. Inicio hoxe unha nova sección de podcast no blog arredor deste concepto. Inauguro con Anxo Angueira e a súa novela Pensa nao. Venteaba na Coruña, a confidencia das cartas baixo o paraugas, as primeiras castañas, as raiolas no dique, o mar, o café. Imposíbel ocultar o fascinio pola súa escrita.

Obrigada Anxo.

(Baixar arquivo MP3)