Sucos: blog de Dores Tembrás


O peizoque máis feliz en A Maía
13/05/2013, 08:33
Filed under: Literatura, Peizoque

2013-05-07 11.44.26 2013-05-07 11.53.372013-05-07 13.10.48

Primeiro foi o recendo, a intución que se concretaba despois daquel primeiro encontro no Portal InnovArte Educación Infantil. Entrar na aula, ver o niño pendurado, cheo de flores e palabras, que os propios nenos confeccionaron con agarimo.

Coido que o peizoque nunca soñou cun niño tan fermoso. Tampouco eu podía agochar os desexos de levalo a Bertarmiráns, onde, como puiden comprobar, traballan e aprenden dun xeito que asombra e admira.

Tiven o pracer de coñecer a Isabel e Ángeles Abelleira, que dende hai meses planearon esta cita. Dicir que foi un luxo é ser inxusta. Penso en cada detalle da mañá do martes e a emoción intacta.  Penso na importancia da espera, da ansia que inocularon nos pequenos que agardaban a visita con verdadeiro entusiasmo. A impresión de escoitalos recitar de memoria, de coñecer con exactitude os animais e as palabras correspondentes. Non me chegaban os ollos para admirar as ducias de peizoques engalanados para a ocasión, plumas, pallets, brillantinas, pestanas XXL, paxariños multicor que comían palabras novas para min: papá, mamá, casa, corazón, tomillo, lavanda, limón, magnolia, cena…

Xosé Tomás e mais eu adicámonos a contar/debuxar  a historia deste paxariño, mentres as pequenas e pequenos nos abraiaban coas súas observacións. Foi unha verdadeira delicia!

É un soño ver como empregaron a historia do peizoque para traballar nas aulas. Novamente agradecida e feliz.

Asi o lembran no blogue de 5 anos de Educación Infantil.

Xosé Tomás tamén o conta no seu blogue cun feixe de fotos.

Unha das pequenas. Lara,  mesmo fixo crónica do encontro no seu blogue.

Sempre voltar.

2013-05-07 11.57.56

20130508_105338

20130508_121546

20130508_121706_B

20130508_133131

20130508_133251

Advertisements

6 Comentarios so far
Deixar un comentario

que boas sensacións debe deixar algo así…! Xa lin tamén no de Xosé Tomás.
Noraboa.

Comentario por zeltia

Foi marabilloso Zeltia!!!

Comentario por dorestembras

[…] -O blog de Dores Tembrás. […]

Pingback por Dores Tembrás e Xosé Tomás co Peizoque Roque | InnovArte Educación Infantil

Gracias por compartir con nosotros/as esta experiencia tan emotiva. Entiendo que los aprendizajes pasan por la emoción Un abrazo Montse

Comentario por Montse Consejo Navas

Que interesante a relación entre emoción e aprendizaxe! Este peizoque está a darme moitas alegrías nas visitas aos centros! Unha aperta

Comentario por dorestembras




Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s