Lendo o post do blog da biblioteca de Carril despois do meu obradoiro POESÍA + GRAFITI veuseme á mente a idea de cita a cegas. Sempre é un pouco así, quedas cun grupo, desta volta eran 27 rapazas e rapaces de ciencias, e antes do día cóntanche cousas, vas sabendo. Elucubras. Imaxinas.
Pero chega o día, o pasado venres, e coma sempre, antes de tempo, e miro os cartaces do hall, e non descubro o tendal cos meus poemas, as fotos, alí, tan alí, eles xa sabían como era eu, algo do que escribira, pero igual a curiosidade.
Sorrío ao ver os versos pegados polo instituto, e pregúntome se a da foto son eu.
Daquela entran na biblioteca e Ana preséntame oficialmente (ARROIBO). E tódolos ollos alí, para min, prendidos no primeiro grafitti que o proxector. Si, claro, son de ciencias, pero, pero a poesía.
E entón analizamos as imaxes, e eu aplaudo os comentarios agudos, as observacións intelexentes, falamos do que si e do que non, de emoción e mensaxe, de palabras. É un grupo atento, que se concentra no discurso, que gaña puntos co paso dos minutos.
E o agasallo chega na última parte da sesión, as súas palabras, as súas, que me comparten, despois do meu redondel. E alí, xa na intimidade do encontro, cada unha, cada un: avión, barco, rugby, risos, Cortegada, soños, mirada, curmáns, praia, piragüísmo, amigos, aldea, acampada-recordos-cáncer, piano-música, baile, piscina-auga, gafas, música- Papa-Roach, parque, baile, canción-Sabina, fútbol, exame, filmes, mar.
Pasará o tempo, e ao mellor non lembro os vosos nomes, pero si as vosas palabras, as vosas historias.
Foi unha cita perfecta, redonda. Grazas a tódolos alumnos e alumnas de 4º ESO, que estiveron dispostos a arriscar tanto coma min.
Grazas a toda a equipa de normalización do instituto do Carril Miguel A. González Estévez, aos mestres que se involucraron, ao persoal que fixo o imposíbel para que todo funcionase. Aos que quixeron que nos coñecesemos nesta cita pensando que funcionaría.
Obrigada.
Vémonos pronto, si?
3 Comentarios so far
Deixar un comentario
Sucos: blog de Dores Tembrás 
Moitas grazas a ti!
Comentario por abm 06/11/2011 @ 17:23Foi estupenda a sesión e moi produtiva tamén para as clases e para a profesora de Lingua Castelá e Literatura dese grupo de 4º da ESO.
Por certo, que o domingo fun á Coruña para ver a película “Verbo” de Eduardo Chapero-Jackson, e a oportuna e maravillosa coincidencia do tratamento combinado da poesía e do grafitti -e do Quijote no filme- pareceume un perfecto guiño do destino, un bonito agasallo.
Manuela.
Comentario por Manuela, a profe de LCL 09/11/2011 @ 20:40Manuela! Foi fantástico que estiveras no obradoiro e non sabes como me aleda que servira para as vosas aulas!! Tomo boa nota do filme que me dis. Un beixo ben grande
Comentario por dorestembras 10/11/2011 @ 09:07