Sucos: blog de Dores Tembrás


eufalo na coruña
12/03/2010, 11:52
Filed under: Lingua, presentacion

Antonte fun á presentación do proxecto Eufalo.TV no CS. A Tréu. Coñecía o seu primeiro documental Linguas Cruzadas, que me parecera magnífico e que vos recomendo.

Interésame moito o proxecto por varios motivos, entre eles o total protagonismo que ten a historia persoal, centos de historias sobre a lingua, únicas, que a xente comparte porque si. Recoñecérmonos.Ao mellor é porque estou algo fastiada do combate explícito que esta iniciativa me resulta tan atractiva e fresca.

Camiño do acto, no coche, o meu pequeno que vai facer dous anos ía dicindo: vaca lechera e vaca leiteira son iguales. Perplexidade nos asentos de diante. Silencio. E el que insiste. Daquela pregúntolle: si, amor? Son iguais? Si, repite, vaca lechera e vaca leiteira son iguales.

A canción é o hit das últimas semanas, e o avó inventou para o pequeno unha versión en galego que só canta cando está con el. Na gardería é la vaca lechera, na casa a vaca leiteira, porque claro, a letra en galego non ten nada que ver coa orixinal. Conflicto lingüístico? Situación lingüística? Un video para eufalo.

Parabéns ao equipo de Eufalo.TV porque fan un traballo magnífico e, sobre todo, emocionante.

Advertisements

2 Comentarios so far
Deixar un comentario

Comparto o teu entusiasmo por este proxecto, tan necesario. Oxalá algún día deixemos os combates explícitos. Oxalá.

Comentario por náufrago

Menudo exemplo para unha clase de lingüística!Este cativo é a leche:)

Comentario por abm




Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s